Dünya

Rusiya 60 minlik "müsəlman ordusu"nu Suriyaya yeridir?

17 May 2017 14:00
0 Şərh     Baxış: 1 438

Rusiya, əsasən, Şimali Qafqaz respublikalarının nümayəndələrindən ibarət 60 minlik "müsəlman ordusu"nu Suriyaya yeritmək üçün hazırlayıb.

Milli.Az virtualaz.org-a istinadən xəbər verir ki, bu haqda Səudiyyə Ərəbistanının "Al Watan" qəzeti "mötəbər mənbələrə" istinadla yazır. Bu ordu əsasən sünnü-müsəlmanlardan ibarətdir. Bildirilir ki, həmin qüvvələrinin bir qismi artıq hərbi polis qismində Hələbdə xidmət keçir. Palmira yaxınlığında, Barrada vadisində isə bir sıra keçmiş sovet respublikalarından olan müsəlmanlardan ibarət muzdlu "Turan" batalyonu yaradılıb.

"Business İnsider" nəşri isə Rusiyanı Suriyadakı hərbi iştirakını getdikcə artırdığını bildirir. Nəşrin yazdığına görə Suriyada Rusiya bazaları genişlənir, habelə Kremlin adından Bəşər Əsəd üçün döyüşən özəl hərbi şirkətlərin sayı artır. Diqqəti cəlb edən fakt budur ki, Suriyaya Çeçenistan və İnquşetiyadan yeni-yeni dəstələr göndərilir. Məqsəd İran döyüşçülərini sıxışdırmaqdır.

Xatırladaq ki, Rusiya Suriyada hava əməliyyatları ilə kifayətlənəcəyini və quruda döyüşlər aparmayacağını elan etmişdi. Lakin hava əməliyyatlarının gözlənilən nəticəni verməməsi Rusiyanı məcbur edib ki, Suriyaya həm xüsusi təyinatlılardan ibarət məhdud kontingent, həm muzdlulardan ibarət "özəl ordular" göndərsin.

Nəşrin yazdığına görə hazırda Moskva bütün Suriya boyu sünnü-müsəlmanlardan seçilmiş xüsusi təyinatlı quru qüvvələrini yerləşdirməkdədir.

Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.