Dünya

Merkel: "İncirlik aviabazasına alternativ axtarmaq məcburiyyətindəyik"

15 May 2017 16:27

0 Şərh Baxış: 1 003

#DÜNYADA #TÜRKİYƏ #HƏRBİ #ALMANİYA

"İncirlik aviabazasına alternativ axtarmaq məcburiyyətindəyik".

Milli.Az APA-ya istinadən xəbər verir ki, bu sözləri Almaniya federal kansleri Angela Merkel Türkiyənin bu ölkənin deputatlarının "İncirlik" hərbi bazasında olan Almaniya hərbçilərinə baş çəkmələrinə icazə verməməsinə münasibət bildirərkən deyib.

O qeyd edib ki, İordaniya "İncirlik" üçün alternativ ola bilər.

Ankaranın bu addımı atmasına səbəb kimi Almaniyanın Türkiyədə "Fətullahçı Terror Təşkilatı"na üzv olmaqda ittiham edilən türk hərbçilərə sığınacaq verməsi göstərilir. Xatırladaq ki, bu, Türkiyə ilə Almaniya arasında "İncirlik" bazası ilə bağlı yaşanan ikinci böhrandır. Ötən il Bundestaqın uydurma "erməni soyqırımı"nı tanımasından sonra da Türkiyə alman millət vəkillərinin "İncirlik"i ziyarət etməsinə icazə verməmişdi.

Qeyd edək ki, "İncirlik" aviabazası Türkiyənin Adana vilayəti ərazisində yerləşir və həm Suriyaya, həm də İraqa yaxındır.

Milli.Az

Digər maraqlı xəbərlər Milli.Az-ın Facebook səhifəsində