08.05.2017
07:31
"İrəli" hərəkatının banisi Emmanuel Makron prezident seçkilərinin ikinci turunda 65,82% nəticə ilə qalib gəlib.
Milli.Az Trend-ə istinadən bildirir ki, bu haqda Fransa Daxili İşlər Nazirliyinin son məlumatlarında bildirilir.
35 milyon bülletenin (98,26%) hesablanmasının yekunlarına görə Makron 20,4 milyon səs qazanıb.
"Milli cəbhə" partiyasının lideri Marin Le Pen 10,6 milyon səslə seçicilərin 34,18% səsini qazanıb.
----------------
07.05.2017
22:55
"İrəli" hərəkatının lideri Emmanuel Makron Fransa prezidenti seçkilərinin ikinci turunda 65,9% səslə qələbə qazanır.
Trend-in BFM TV telekanalına istinadən verdiyi məlumata görə, bu haqda Elabe tədqiqat institutu xəbər verir.
Telekanalın məlumatına görə, "Milli cəbhə" partiyasının lideri Marin Le Pen 34,1% səs yığıb.
---------
22:11
Mayın 7-də Fransada prezident seçkilərinin həlledici - ikinci turunda "İrəli" hərəkatının namizədi, mərkəzçi Emmanuel Makron qalib gəlib. İlkin məlumatlara görə, o, səslərin 65,1 faizini əldə edib.
Milli.Az AZƏRTAC-a istinadən bildirir ki, "Milli cəbhə" partiyasının namizədi Marin Le Pen isə seçicilərin 34,9 faizinin səsini qazanıb.
Qeyd edək ki, Fransada prezident seçkilərinin aprelin 23-də keçirilən birinci turunda 11 namizəd qatılmışdı. İlk turun nəticələrinə görə, E.Makron 24,01, M.Le Pen isə 21,3 faiz səs toplamışdı.
Milli.Az