İngiltərənin "Nyukasl" futbol klubunun icraçı direktoru Li Çarnli maliyyə fırıldağında şübhəli bilindiyi üçün həbs olunub.
Milli.Az goal.az-a istinadən xəbər verir ki, onunla yanaşı, daha bir neçə futbol məmuru saxlanılıb.
Böyük Britaniya vergi idarəsi zabitlərinin İngiltərə və Fransada apardıqları axtarışlar zamanı müxtəlif sənədlər, maliyyə hesabatları, kompüter və telefonlar müsadirə olunmaqla yanaşı, L.Çarnli vergi və gömrük ödənişlərindən yayınması ilə bağlı dindirilib.
İngiltərə Premyer Liqasında çıxış edən "Vest Hem" klubunun stadionunda da axtarış olub.
Bildirilir ki, ötən müddət ərzində 12 klub, 43 futbolçu və 12 agentlə bağlı da araşdırmalar həyata keçirilib.
Li Çarnli 2014-cü ildə "Nyukasl"ın icraçı direktoru vəzifəsinə təyin olunub.
Milli.Az