14:10
Bakıda narkotik ittihamı ilə həbs olunan erməni əsilli Rusiya vətəndaşı Marat Ueldanovun (Qalustyan) işi üzrə bu gün başlayan məhkəmə prosesinin bəzi detalları məlum olub.
Milli.Az virtualaz.org-a istinadən xəbər verir ki, məhkəmədə Ueldanov ona qarşı irəli sürülmüş ittihamları qəbul etmədiyini deyib. Lakin ifadə verən şahidlərdən biri - Nicat Həsənov bildirib ki, Ueldanovla birlikdə "Boulevard Hotel Baku"da işləyib. Bir dəfə Ueldanov ona narkotik təklif edib və deyib ki, lazım olsa yenə gətirə bilər. Lakin Həsənov narkotikdən imtina edib.
-----------
12:36
Bu gün Bakı Ağır Cinayətlər Məhkəməsində Bakıda həbs edilən erməni əsilli Rusiya vətəndaşı Marat Ueldanovun cinayət işi üzrə məhkəmə prosesi başlayıb.
Milli.Az Trend-ə istinadən xəbər verir ki, hakim Samir Əliyevin sədrliyi ilə keçirilən prosesdə prokuror ittiham aktını elan edib. Prosesdə ifadə verən M.Ueldanov özünü təqsirli bilməyib. İclasda 5 şahid ifadə verib.
Proses aprelin 28-də davam etdiriləcək.
İttihama görə, ötən il iyulun 28-də Rusiya vətəndaşı M.Ueldanov Bakıda saxlanılıb. O, narkotik maddələrin külli miqdarda qanunsuz dövriyyəsində ittiham edilir.
Milli.Az