21:09
Əfqanıstanın Xost şəhərində ABŞ-a məxsus hərbi bazanın yaxınlığında güclü partlayış baş verib.
Milli.Az APA-ya istinadən xəbər verir ki, hadisə nəticəsində 4 əfqan hərbçisi ölüb, daha 8-i yaralanıb. Yaralılar arasında 2 dinc sakinin olduğu bildirilir.
Törədilən partlayışa görə məsuliyyəti "Taliban" hərəkatı öz üzərinə götürüb.
Xatırladaq ki, aprelin 21-də Əfqanıstanın Balx əyalətində "Taliban" silahlılarının hərbi bazaya hücumu nəticəsində 170 nəfər ölüb.
----------
17:22
Əfqanıstanın şərqindəki Host əyalətində ABŞ hərbi bazasının yaxınlığında partlayış törədilib.
Milli.Az Trend-ə istinadən xəbər verir ki, partlayış naməlum avtomobilin bazaya yaxınlaşmasından sonra baş verib.
Hadisə nəticəsində xəsarət alanların olub-olmadığı barədə məlumat verilməyib.
Qeyd edək ki, bu gün eyni zamanda ABŞ-ın müdafiə naziri Ceyms Mettis Əfqanıstana əvvəlcədən elan olunmamış səfər edib.
Milli.Az