22:38
Ermənistanın Gümrü şəhərində rusiyalı hərbçini qətlə yetirməkdə 20 yaşlı mülki şəxs şübhəli bilinir.
Milli.Az APA-ya istinadən xəbər verir ki, bu barədə "RİA Novosti"yə Ermənistan polisinin mətbuat xidmətinin rəhbəri Edqar Canoyan bildirib.
"Polis əməkdaşlarının keçirdiyi genişmiqyaslı əməliyyat-axtarış tədbirləri nəticəsində 20 yaşlı C.A. saxlanılıb", - deyə o bildirib.
Cinayət işi Ermənistan İstintaq Komitəsinin Mühüm İşlərin İstintaqı İdarəsinə verilib.
Saxlanılan şəxs barəsində məhkəmə-psixiatrik ekspertiza təyin edilib. Məlumata görə, həmin şəxs psixi problemlərlə əlaqədar bu ilin martında ordudan təxris olunub. Həmçinin, onun barəsində daha əvvəl cinayət işi başlanıbmış.
20:24
Rusiyanın Ermənistanın Gümrü şəhərində yerləşən 102-ci hərbi bazasının əsgərinin qətli ilə bağlı cinayət işi başlanıb.
Milli.Az APA-ya istinadən xəbər verir ki, qətlə yetirilən hərbçinin müqavilə əsasında xidmət çəkən 21 yaşlı Dmitri Yalpayev olduğu müəyyən edilib.
Hadisənin səbəbləri və təfərrüatları müəyyənləşdirilir.
20:08
Ermənistanın Gümrü şəhərində Rusiyanın 102-ci hərbi bazasının əsgərinin meyiti aşkarlanıb.
Milli.Az APA-ya istinadən xəbər verir ki, meyit şəhərdə yerləşən hərbi bazanın yaxınlığındakı mağazanın qarşısında aşkarlanıb.
Məlumata görə, meyitin üzərində kəsilmiş-deşilmiş xəsarətlərin olduğu müəyyənləşdirilib.
Hadisənin səbəbləri və təfərrüatları müəyyənləşdirilir.
Milli.Az