İran prezidenti Həsən Ruhaninin Novruz tətilində çəkdirdiyi və Instagram-a yüklədiyi fotolar ölkədə mübahisələrə səbəb olub.
Milli.Az lent.az-a istinadən xəbər verir ki, H.Ruhaninin paytaxt Tehran yaxınlığında dağ gəzintisi zamanı 2 gənc qız və bir gənc oğlanla idman geyimində çəkdirdiyi fotolar birmənalı qarşılanmayıb.
Ruhaninin Instagram-dakı səhifəsinə yerləşdirdiyi fotolara 17 mindən çox şərh yazılıb. Mühafizəkar iranlılar fotodakı xanımların saçlarının tam örtülü olmamasına etirazlarını bildiriblər. Onların fikrincə, bu, islam cümhuriyyəti dəyərlərinə ziddir. Ruhaninin addımını seçkiqabağı şou kimi qiymətləndirənlər də olub.
Ruhaninin tərəfdarları isə prezidentə dəstək veriblər.
Milli.Az