07:24
Türkiyənin Şanlıurfa vilayətində törədilən partlayış nəticəsində ölənlərin sayı 2 nəfərə çatıb.
Milli.Az APA-ya istinadən xəbər verir ki, partlayışdan sonra əmələ gələn dağıntılar altından kişi meyiti tapılıb.
Viranşehir rayonunda baş verən hadisə nəticəsində yaralananların sayı 18-ə çatıb. Onlardan birinin vəziyyəti ağır kimi qiymətləndirilir.
Bundan əvvəl minalanmış avtomobilin partladılması nəticəsində 3 yaşlı uşağın öldüyü, 15 nəfərin xəsarət aldığı bildirilirdi. Dəqiqləşdirilmiş məlumata görə, insident nəticəsində həyatını itirən uşaq 11 yaşlı Əhməd Oqtay Günak olub. Partlayışın PKK tərəfindən törədildiyi bildirilir.
07:23
Türkiyənin Şanlıurfa vilayətində baş vermiş partlayış nəticəsində ölənlərin sayı iki nəfərə çatıb, 18 nəfər isə xəsarət alıb.
17.02.2017
22:50
Milli.Az Habertürk-ə istinadla xəbər verir ki, hakimlərin yaşadığı binaların həyətində baş verən partlayışda 3 yaşlı uşaq həyatını itirib, 15 yaralı var.
Bu barədə məlumatı Şanlıurfa valisi Güngör Azim Tuna verib.
---------
22:47
Türkiyənin cənubunda, Şanlıurfa vilayətinin Viranşehir rayonunda partlayış baş verib.
Milli.Az Trend-ə istinadən bildirir ki, partlayış nəticəsində bir nəfər ölüb, 10 nəfər yaralanıb.
Hadisə yerinə polis və təcili tibbi yardım briqadaları cəlb olunub.
--------
22:32
Türkiyənin Şanlıurfa şəhərində partlayış olub.
Milli.Az Sputniknews-a istinadla bildirir ki, partlayış şəhərin Viranşehir mahalındakı hakim və vəkillərin məskunlaşdığı yataqxanada baş verib. İlkin məlumata görə, yaralılar var.
Bəxtiyar Umarlı
Milli.Az
Videonu izləmək üçün şəklə klikləyin: