"Türkiyədə "Petlim" konteyner limanının ikinci mərhələsini 2017-ci ilin iyununda istifadəyə vermək planlaşdırılır".
Milli.Az Trend-ə istinadən xəbər verir ki, bunu Türkiyənin "Dünya" qəzetinə müsahibəsində "SOCAR Turkey Energy"nun rəhbəri Zaur Qəhrəmanov deyib.
O deyib: "İkinci mərhələnin işə salınması limana 13 min konteynerlik gəmiləri qəbul etməyə və hər konteynerdən 200-250 dollar qənaət etməyə imkan verəcək. Bu, Egey dənizində ən böyük liman olacaq və gücünə görə Heydərpaşa limanını iki dəfə üstələyəcək".
Petlim limanının tikintisinin birinci mərhələsi 2016-cı ilin dekabrında başa çatıb.
Milli.Az