Rustavidə qəzaya uğrayan avtomobildə partlayış baş verib, 5 gənc yanaraq ölüb.
Bu gün səhər saatlarında Rustavi şəhərində sürətlə hərəkət edən minik avtomobilinin sürücüsü idarəetməni itirərək qəza törədib.
Milli.Az APA-ya istinadən xəbər verir ki, BMW markalı avtomobil şəhərin mərkəzində memoriala çırpılıb.
Nəticədə avtomobildə partlayış baş verib, yanğın başlayıb. Hadisə şahidlərinin APA-ya verdiyi məlumata görə, avtomobildə olan 5 gənc yanaraq ölüblər. Hazırda gənclərin kimliyi araşdırılır. Hadisə yerinə yol-patrul xidməti və yanğınsöndürmə briqadası gəlib.
Hadisənin başvermə səbəbləri araşdırılır.
Milli.Az