Dünya

14 milyon insan bu virusun daşıyıcısı olmasından xəbərsizdir

1 Dekabr 2016 12:04
1 Şərh     Baxış: 1 292

Dünyada İİV infeksiyasının daşıyıcısı olan insanların təxminən 40 faizi, yəni 14 milyon nəfər bu virusun daşıyıcısı olduğundan xəbərsizdir.

Milli.Az report-a istinadən xəbər verir ki, bu barədə Ümumdünya Səhiyyə Təşkilatının (ÜST) hesabatında bildirilib. 
Məlumata görə, buna səbəb həmin insanların virusla bağlı yoxlanışlardan keçməməsidir. 
Təşkilatın hesabatında qeyd olunub ki, İİV-ə yoluxan insanların aşkar edilməsi və onların müayinəyə cəlb olunmasında gecikmələr olur: "Hazırda dünyada 37 milyon insan İİV infeksiyasına yoluxub. Onlardan 18 milyonu virusa qarşı müalicə olunur. Lakin Şərqi Avropa, Şərqi Aralıq Dənizi regionu ilə Qərbi və Mərkəzi Afrikada bu xəstəliyə qarşı müayinələrin aparılması səviyyəsi aşağıdır".
ÜST-ün hesabatında o da bildirilib ki, ötən il dünyada 1,1 milyon insan İİV-ə görə həyatını itirib, 2 milyon insanda isə yeni yoluxma faktı aşkarlanıb.
Qeyd edək ki, 1 dekabr Ümumdünya QİÇS-lə mübarizə günüdür.

Milli.Az

DİGƏR XƏBƏRLƏR

Şərh yaz:

1 Şərh:

  • Anonim
    Aypara · 1 Dekabr 13:4800

    Hami gerek qormasin pis gune dusmeydense yavas yavas bilmey yaxsidir gedin yoxlanin eger varsa basqalarina kecmesin

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.