Dünya

Amerikanın 3 ştatı Rusiyaya "yox" deyir

22 Oktyabr 2016 19:46
1 Şərh     Baxış: 993
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Rusiya noyabrın 8-də ABŞ-da keçiriləcək prezident və qanunverici orqana seçkiləri izləmək üçün müraciət edib, amma 3 ştat artıq ona "yox" deyib.

Oktyabrın 21-də ABŞ Dövlət Departamenti bildirib ki, Rusiya Amerika seçkilərini ATƏT-in komandası altında müşahidə edə bilər, ancaq Moskva Vaşinqtonun bu təklifini rədd edib.

Milli.Az azadliq.org-a istinadən bildirir ki, Dövlət Departamentinin sözçüsü John Kirby deyib ki, onların seçkini izləmək istəyini alqışlayırlar:

"Bizim Rusiyanın müşahidəçiliyindən çəkindiyimiz bir şey yoxdur. Biz öz seçki prosesimizin stabilliyindən, təhlükəsizliyindən və möhkəmliyindən əminik. Burda gizlətməli heç nə yoxdur", o deyib.

Ancaq Kirby əlavə edib ki, Rusiya ATƏT-in Müşahidəçi Missiyası altında seçkini izləmək təklifini rədd edib.

Rusiyanın seçkini izləmək istəyinə Oklahoma, Texas və Luizina ştatları "yox" deyib.

Rusiyanın ABŞ-da seçkini izləməyə maraq göstərməsi Vaşinqtonun Moskvaya küber hücum ittihamı ilə bir vaxta təsadüf edir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.