Dünya

İŞİD ikinci yaponiyalı girovu edam etdi

1 Fevral 2015 09:34
0 Şərh     Baxış: 1 939
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
İŞİD terror qruplaşması girov götürdüyü ikinci Yaponiya vətəndaşı Kendzi Qotonu edam edib.

Milli.Az APA-ya istinadən bildirir ki, girovun başının kəsilməsi səhnəsi əks olunan video çarx terrorçular tərəfindən internetdə yerləşdirilib.

Videoda girovu edam edən "Cihad Con" ləqəbli üzü maskalı terrorçu ingilis dilində bu sözləri deyib: "Yaponiya hökumətinə müraciət edirəm. Siz və sizin müttəfiqləriniz bir şeyi anlamalısınız: Bizə sizin qanınız lazımdır".

Qeyd edək ki, İŞİD 10 gün əvvəl yaydığı videoda İŞİD girov götürdüyü iki Yaponiya vətəndaşının azadlığa buraxılması üçün 72 saat ərzində 200 mln. ABŞ dolları tələb edib. Bundan bir neçə gün əvvəl Yaponiyanın baş naziri Sindzo Abe bəyan edib ki, onun rəhbərlik etdiyi hökumət İŞİD ilə mübarizə aparan ölkələrə 200 mln. dollar ayrılacağı barədə qərar verib.

Verilən müddət bitdikdən bir sutka sonra terrorçular internetdə yaponiyalı girov Xaruna Yukavanın başı kəsilmiş cəsədinin şəklini yerləşdiriblər. Video çarxda ikinci yaponiyalı girov Kendzi Qoto İŞİD-in yeni şərtini açıqlayaraq terrorçuların İordaniyada həbsdə saxlanılan Səccidə ər Rişauyinin azadlığa buraxılmasını tələb etdiyini bildirib.

Terrorçuların yanvarın 29-da yaydığı üçüncü videoda İŞİD girov götürdüyü ikinci Yaponiya vətəndaşı Kendzi Qotonu 24 saatdan sonra edam etmək niyyətində olduğunu elan edib.

Video çarxda yaponiyalı girov Kendzi Qoto əlində silahlıların əsir götürdüyü iordaniyalı pilot Muaz əl Kəssasbehin şəklini tutub. Terrorçular Səccidə ər Rişauyinin sutka ərzində azadlığa buraxılmayacağı təqdirdə onun da edam olunacağını bildiriblər.
 

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.