Dünya

Terror aktları törətməyi planlaşdıran İŞİD üzvləri həbs ediliblər

31 Avqust 2016 09:14

0 Şərh Baxış: 815

#DÜNYADA #KRİMİNAL #POLİS #İŞİD #TERROR

Malayziyanın hüquq-mühafizə orqanları müstəqillik günü ərəfəsində terror aktları planlaşdıran 3 İŞİD üzvünü həbs edib.

Milli.Az report-a istinadən bildirir ki, bu barədə ölkə polisinin rəhbəri Xalid Əbu Bəkrin bəyanatında deyilir.

Onun sözlərinə görə, qruplaşmanın rəhbəri Məhəmməd Vandi olub. "Həbs olunanlar ekstremistlər tərəfindən göstəriş alaraq xüsusən ticarət-əyləncə mərkəzlərində, polis məntəqələrində, eləcə də Selanqor ştatındakı hindu məbədin ştatına hücum planlaşdırıblar", - deyə ölkənin baş polisi məlumat verib.
Xalid onu da əlavə edib ki, saxlanılanların 20-27 yaşı var. Onlardan odlu silah və qumbara götürülüb.

Gənclər terror aktları törətdikdən sonra Malayziyanı tərk edərək Suriyaya getməyi planlaşdırıblar.

Milli.Az