12:02
Qırğızıstan hökuməti Çinin Bişkekdəki səfirliyinin ərazisindəki partlayışı terror aktı hesab edir.
Trend-in RİA Novosti-yə istinadən verdiyi məlumata görə, Qırğızıstan hökumətində ölkədə ictimai təhlükəsizliyin təmin edilməsi məsələsi üzrə müşavirə keçiriləcək.
X X X
Çinin Bişkekdəki səfirliyinin ərazisindəki partlayışı intiharçı terrorçu törədib. Trend-in RİA Novosti-yə istinadən verdiyi məlumata görə, bunu Qırğızıstanın baş nazirinin müavini Jeniş Razakov deyib.
-----------
09:01
Bu gün Çinin Qırğızıstanın paytaxtı Bişkekdə yerləşən səfirliyi yanında baş verən partlayış nəticəsində 1 nəfər ölüb, 2-si yaralanıb.
"Report" xəbər verir ki, bu barədə Qırğızıstanın Səhiyyə Nazirliyi məlumat yayıb.
----------
08:57
Bişkekin cənubunda, Çinin Qırğızıstandakı səfirliyi yanında partlayış baş verib. Trend-in "RİA Novosti"-yə istinadən verdiyi xəbərə görə, partlayış yeri polis əməkdaşları tərəfindən bağlanılıb.
Partlayış nəticəsində bir nəfər ölüb.
Milli.Az