İndoneziyada katolik kilsəsində terror partlayışı törətməyə çalışan, sonra da keşişi baltalayan 18 yaşlı gənc həbs olunub.
Milli.Az AsiaOne-a istinadən bildirir ki, olay Şimali Sumatra adasının paytaxtı Medan şəhərində yerləşən Müqəddəs İosif kilsəsində yaşanıb.
18 yaşlı gənc kilsədə ibadət edən yerli katoliklər arasında idi. Qəflətən o, yerindən durub və keşiş Albert Pandianqana tərəf qaçıb. Bu zaman o, bel çantasındakı partladıcı qurğunu işə salıb.
Lakin qurğu partalamayıb. Bu zaman həmin gənc "Allahu-əkbər!" qışqırıb və çantasından baltasını çıxararaq keşişi vurub.
Keşiş kiçik xəsarət alaraq qurtulub, çünki kilsədəki katoliklər terrorçunun üstünə atılaraq onu tutmuşdular.
Hücumun motivi hələlik bəlli deyil. Lakin terrorçuda İŞİD simvolikası vardı.
Milli.Az
Videonu izləmək üçün şəklə klikləyin: