Türkiyə Cümhuriyyət Xalq Partiyasının (CHP) lideri Kamal Kılıçdaroğlunun ölümdən döndüyü hücumu təşkil edən PKK qrupunun başında "Tarık" kod adlı Barış Öner dayanır.
Milli.Az publika.az-a istinadən bildirir ki, onun başına 1 milyon lirə (təxminən 350 min dollar) mükafat qoyulub.
Dünən Artvinə getmək istəyən CHP lideri avtomobil karvanının önündə olan əsgərlərin diqqəti sayəsində ölümdən dönüb. Pusqu quran PKK-çılar bir əsgəri şəhid edib, ikisini yaralayıblar. Avtomobil karvanına minaatan mərmisi atmağa hazırlaşan PKK terrorçusu Kılıçdaroğlunun yaxın mühafizəçisi tərəfindən zərərsizləşdirilib.
Hücumu təşkil edən qrupun başında təxminən 20 ildir PKK-da olan və Artvin qeydiyyatlı "Tarık" kod adlı Barış Önerin olduğu deyilir. Başına 1 milyon lirə mükafat qoyulan Önerin adı terrorçuların "yaşıl siyahısı"nda yer alıb.
Milli.Az