23:11
İrəvanda polis alayının binasını ələ keçirmiş silahlı qrupa dəstək aksiyasının üzvləri prezident administrasiyasınadək yürüş keçirməyi qərara alıblar.
Milli.Az APA-ya istinadən xəbər verir ki, mitinqə tərkibi genişləndirilmiş etiraz aksiyalarının keçirilməsi üzrə Koordinasiya Şurası rəhbərlik edir.
Bu arada İrəvanda yürüşə mane ola biləcək güclü yağış yağmağa başlayıb.
Bundan əvvəl təşkil olunan yürüşlər silahlı qrupun ələ keçirdiyi polis alayının binası istiqamətində keçirilib.
22:36
Yerevanda növbəti etiraz aksiyası keçirilir, iştirakçıları prezident iqamətgahına doğru hərəkət edirlər.
Milli.Az Trend-ə istinadən bildirir ki, Yerevanda müxalifətçilərin yürüşü başlayıb.
Şiddətli yağışa baxmayaraq, etiraz aksiyasının iştirakçıları prezident iqamətgahı yerləşən Baqramyan küçəsinə doğru hərəkət edirlər.
Milli.Az