PUL
.png)
Rusiya vətəndaşlarının 41,4%-i yemək və paltar almağa pul çatdırmır.
Milli.Az "Report"a istinadən bildirir ki, bu, ötən ay aparılmış monitorinq nəticəsində məlum olub. May ayında bu nisbətin 40% olduğu bildirilir.
İyun ayındakı sorğuda rusiyalıların 23,2%-i maliyyə vəziyyətinin pis və yaxud çox pis olduğunu bildirib. Halbuki, mayda bu kateqoriyanın payı 21,1% təşkil edib.
Monitorinqin nəticəsinə görə, iyunda özünü kasıb sayanlar arasında pensiyaçılar daha çox artıb. Əgər mayda pensiyaçıların 20-22%-i maliyyə durumundan şikayətçi idisə, iyunda bu nisbət 31% olub. Həmçinin, Rusiyada uşaqsız ailələrin 20%-nin, 2 və daha çox uşağı olanların 23%-nin, tənha yaşayanların isə 38%-ni maliyyə vəziyyətindən narazı olduğu üzə çıxıb.
Montorinqə əsasən, bu ölkədə subyektiv səbəblərdən kasıblıq həddi 19%-ə çatıb. Halbuki, rəsmi statistikaya görə, bu göstərici dəfələrlə azdır.
Subyektuv kasıblığın artması əsasən əhalinin real gəlirinin azalması ilə izah olunur. Rəsmi rəqəmlər son 1 ildə real pul gəlirlərinin 5,7% azaldığını göstərir. Rusiya rublunun kəskin ucuzlaşmağa başladığı 2014-cü ilin oktyabr ayından indiyədək isə real gəlirlər 19,3% azalıb.
Bununla belə, monitorinq nəticəsində məlum olub ki, rusiyalıların 21%-i ən ağır iqtisadi dövrün arxada qaldığını düşünür. Halbuki, mayda bu cür düşünənlərin payı 19% olub.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
