Dünya

ABŞ Rusiya ilə İŞİD-ə qarşı koalisiyada birləşməyi mümkünsüz sayıb

24 İyul 2016 19:26
3 Şərh     Baxış: 1 317
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İŞİD terror təşkilatı ilə mübarizə üzrə ABŞ prezidentinin xüsusi nümayəndəsi Bret Makqurk Rusiyanın bu terror təşkilatı ilə mübarizə üçün yaradılmış beynəlxalq koalisiyaya daxil olmasını istisna edib.

APA-nın "Sky News Arabia" telekanalına istinadən verdiyi məlumata görə, Barak Obamanın təmsilçisi deyib ki, Vaşinqton Suriya hakimiyyətinə maddi və hərbi dəstək verən Moskvaya etibar etmir.
 
B. Makqurk bildirib ki, ABŞ və Rusiya arasında "Əl-Nusra" terror təşkilatına qarşı zərbələrin endirilməsi sahəsində  koordinasiya var: "Digər tərəfdən, Rusiya Suriyada atəşkəs üzrə razılaşmanın yerinə yetirilməsinə məsuliyyət daşıyır. Rusiya bu istiqamətdə atəşkəs rejimini daima pozan Suriya hökumətinə təzyiq göstərməlidir".
 
B. Makqurk ABŞ-ın rəhbərlik etdiyi koalisiyanın İŞİD-ə qarşı mübarizədə yerli sakinlərdən təşkil olunmuş hərbi bölüklərdən maksimum istifadə etmək niyyətində olduğunu bəyan edib. Koalisiyanın strategiyası İŞİD-in maliyyə mənbələrini aradan qaldırmaq, ideoloji təbliğat mərkəzlərini məhv etməkdir: "Hazırda  əvvəllər İŞİD-in nəzarət etdiyi ərazilərin 60 faizi azad edilib. İŞİD-in nəqliyyat koridoru sayılan Munbic şəhəri azad edildikdən sonra terrorçuların qalası sayılan Rakka növbəti hədəf olacaq. ABŞ prezidenti Barak Obama Suriyanın Rakka şəhərində əməliyyat keçirilməsi üçün 3 min döyüşçünün olduğu xüsusi təyinatlı birləşmənin ayrılması barədə qərar verib".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.