ABŞ-da polisdən qaçmağa çalışan bir cinayətkar asayiş keşikçilərinə çətin anlar yaşadıb. Oğurluqda şübhəli bilinən şəxsi nəzarətə götürmək üçün polislər həm havadan, həm də qurudan onun arxasınca düşüblər.
Milli.Az atv.az-a istinadən bildirir ki, Hyuston şəhərində baş verən amansız təqib yerli telekanallardan birinin kameralarından yayınmayıb. Avtomobillə qaça bilməcəyini anlayan oğru boş ərazidə polislərin diqqətindən yayınaraq aradan çıxmağa çalışıb. Ancaq helikopterdəki təhlükəsizlik qüvvələri şübhəlini gözdən qoymayıb.
Uzun müddət müqavimət göstərən şübhəlinin təslim olmaq niyyətində olmadığını görən polislərdən biri heikopterdən tullanaraq aşağıdakı həmkarının köməyinə qaçıb. Yalnız bundan sonra şübhəlini nəzarətə götürmək mümkün olub.
Anbaan lentə alınan təqib ölkədə də maraqla izlənib. Polis mənbələrinin məlumatına görə, yaxalanan şəxs dostu ilə birgə oğurluğa imza atıb. İkinci şübhəlini isə şəhərin başqa bir səmtində yaxalamaq o qədər də çətin olmayıb.
Milli.Az
Videonu izləmək üçün şəklə klikləyin: