Braziliyalı əfsanəvi futbolçu Ronaldinyo "Kikboksçu: İntiqam" filmində rol alacaq.
Milli.Az anspress-ə istinadən bildirir ki, futbolçu filmdə döyüş sənətləri ustası rolunu canlandıracaq. Kinoda onun adı Ronaldo olacaq.
Ronaldinyo öz bacarıqlarını filmin baş qəhrəmanı Jan-Klod Vandama öyrədəcək. Filmin qəhrəmanı bu dəfə də muay-tay üzrə çempion olan Tonq Podan intiqam alacaq. Məşhur futbolçudan əlavə, filmdə əfsanəvi boksçu Mayk Tayson və tanınmış qarışıq döyüş ustası Peyc Vanzant da rol alacaq. "Kikboksçu: İntiqam"ın prodüseri Rob Hikman Ronaldinyonun filmə dəvət etməsinin səbəbi kimi onun populyar olduğunu göstərib. "Biz Ronaldinyonun populyarlığını nəzərə almışıq. Futbolçunun xarizmasına əlavə olaraq onun sosial şəbəkədə 66 milyon izləyicisi var".
Ronaldinyo film çəkilişindən "İnstaqram" səhifəsində fotolar paylaşıb.
36 yaşlı futbolçu ötən il "Fluminense" klubundan ayrılandan sonra klubsuz qalıb. "Kikboksçu" filmi ilk dəfə 1989-cu ildə çəkilib.
Milli.Az