Paltaryuyan maşını düzəltmək üçün baş işlətmək istədi, az qala başından olacaqdı.
Milli.Az atv.az-a istinadən bildirir ki, Çinin Futsin şəhərində yaşayan bir sakin qeyri-adi vəziyyətdə xilasetmə dəstələrini köməyə çağırıb. Orta yaşlı bir şəxsin başının paltaryuyan maşının içində qaldığını öyrənən mülki müdafiə qüvvələri onu xilas etmək üçün məişət texnikansıı parçalamalı olub.
Çətin vəziyyət qarşısında "başını itirən" çinli köməyə gələn xilasedicilərə hadisənin təfərrüatlarını danışıb. Sən demə, paltaryuyan maşın yaxşı işləmirmiş. Maşını təmir etmək üçün başını texnikanın içinə salan çinli çox çalışsa da, ordan xilas ola bilməyib. Əziyyəti boşa gedən sakin maddi ziyana da düşüb. Mülki müdafiə qüvvələri onun başını paltaryuyan maşından çıxarmaq üçün kəsici alətlərdən istifadə edib. Çinlinin təmir etməyə çalışdığı texnikanı parçalayan əməkdaşlar yalnız bundan sonra zərərçəkən şəxsi xilas edə bilib.
Çində uşaqların tez-tez məişət texnikalarına ilişib qaldığı yerli xilasedicilərlə yanaşı, bütün dünyaya da məlumdur. Ancaq bu dəfə gəncin paltaryuyan maşının əsirinə çevrilməsi gülüşlə qarşılanıb.
Milli.Az
Videonu izləmək üçün şəklə klikləyin: