Maykl Ceksonun Las-Veqasda kirayə qaldığı malikanə 9,5 milyon dollara satılır.
Milli.Az qafqazinfo-ya istinadən bildirir ki, "Thriller Villa" adı ilə tanınan malikanə 7 hektar ərazini əhatə edir. 7 yataq və 12 vanna otağı olan villa qala formasında inşa edilib.
Evin zirzəmisində sənət qalereyası və kilsə mövcuddur. Malikanəyə nəqliyyat üçün gizli bir keçid də inşa edilib.
Xatırladaq ki, Cekson həmin villada 2007-2009-cu illərdə yaşamışdı.
Qeyd edək ki, malikanə teatr sahibi Horst Şmidt tərəfindən Meksikada inşa edilmiş və orijinallığı pozulmadan Las-Veqasa köçürülmüşdü.
Milli.Az