Suriyanın Hums şəhərinin şərqində ard-arda partlayışlar olub.
Milli.Az Türkiyə mətbuatına istinadən xəbər verir ki, bu barədə məlumatı Suriya dövlət televiziyası yayıb. Məlumata görə, əvvəlcə bomba qoyulmuş minik vasitəsi partladılıb. İkinci partlayışı isə kamikadze törədib.
Partlayışlar bazar və hərbi hissə komissarlığı yaxınlığında baş verib. Hadisə yerinə polis, xilasedicilər və tibbi yardım briqadaları cəlb edilib. İlkin məlumata görə, 6 nəfər ölüb, 28 nəfər yaralanıb.
Qeyd edək ki, partlayışa görə heç bir terror dəstəsi məsuliyyəti öz üzərinə götürməyib.
Bəxtiyar Umarlı
Milli.Az