Dünya

Məşhur general öldürüldü - VİDEO

12 Fevral 2016 17:50
5 Şərh     Baxış: 3 667
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İran İslam İnqilabı Keşikçilər Korpusunun (Sepah) tərkibindəki Əl-Qüds xüsusi elit bölmənin komandiri general Qasım Süleymani Suriyanın Türkməndağı bölgəsində həyata keçirilən əməliyyatda öldürülüb.

Milli.Az publika.az-a istinadən bildirir ki, Qasım Süleymani müxalifət güclərinin təşkil etdiyi hücumda öldürülüb. Əməliyyatın dünən keçirildiyi bildirilir. İranlı general ötən il Hələbdə müxalifət güclərinin təşkil etdiyi hücumda ağır yaralanmışdı.
 
Ötən həftə Türkməndağı bölgəsində keçirilən toplantıda 4-ü rusiyalı və 4-ü iranlı general olmaqla 15 hərbçinin müxalifət güclərinin hücumunda öldürüldüyü bildirilmişdi.
 
Qeyd edək ki, Suleymani Əl-Qüds bölməsindən əlavə İranın xaricində hərbi və gizli əməliyyatların keçirilməsi ilə məşğul olan xüsusi təyinatlı dəstəyə rəhbərlik edirdi. Bildirilir ki, Əl-Qüds HƏMAS və Hizbullah təşkilatlarına hərbi dəstək göstərir.
 
Qərbin versiyasına görə, məhz Suleymani 2012-ci ildən başlayaraq Suriya Prezidenti Bəşər Əsədə müxalifətin əlindəki bir sıra strateji əhəmiyyətli əraziləri qaytarmağa kömək edib.
 
Vaşinqton iranlı generalı Amerika vətəndaşlarına qarşı terror aktlarında iştirakda ittiham edir. Dövlət katibi Con Kerri də yaxın vaxtlarda bildirib ki, Suleymani və Əl-Qüds bölməsinə qarşı sanksiyalar İranla nüvə sazişindən sonra da qüvvədə qalacaq.
 
İddiaya görə, Bəşər Əsəd rejimini xilas etmək üçün Rusiyanın Suriyada başladığı əməliyyatların planını məhz Qasım Süleymani verib. "Reuters" informasiya agentliyinin yazdığına görə, Süleymani ötən ilin iyul ayında Moskvaya etdiyi gizli səfər zamanı Əsədin xilası planının detallarını Rusiya tərəfinə izah edib.
 
Qeyd edək ki, xəbər rəsmən təsdiqini tapmayıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.