Dağıstanda "donuz qripi"nə yoluxanların sayı 108 nəfərə çatıb.
APA-nın TASS agentliyinə istinadən verdiyi məlumata görə, bu barədə Dağıstan İstehlaka Nəzarət İdarəsinin mətbuat xidmətinin rəhbəri Leyla Tahirova bildirib.
"Bu günədək Dağıstanda 108 nəfər H1N1 virusuna yoluxub, 5 nəfər xəstəlikdən ölüb. Onların heç biri əvvəl peyvənd olunmayıb", deyə L.Tahirova qeyd edib.
Qeyd edək ki, Dağıstanda ilk dəfə xəstəyə "donuz qripi" diaqnozu ötən ilin noyabrında qoyulub.
Milli.Az