Dünya

Filippində 8 terrorçu məhv olundu

31 Dekabr 2015 20:15

0 Şərh Baxış: 511

Filippinin Sulu əyalətində hökumət qoşunlarının həyata keçirdiyi xüsusi əməliyyat nəticəsində "Abu Səyaf" terror qruplaşmasının 8 silahlısı məhv edilib.

Milli.Az APA-ya istinadən bildirir ki, əməliyyat zamanı 1 hərbçi həlak olub, 4-ü yaralanıb.

Filippin kəşfiyyatı Patikul şəhəri yaxınlığında əcnəbi girovların saxlanıldığını güman edir. Ötən ay ekstremistlər girov götürdükləri kanadalı turistin və norveçli jurnalistin görüntülərini yayıblar. Terrorçular onların sərbəst buraxılması üçün 21 milyon ABŞ dolları tələb ediblər.

Qeyd edək ki, "Əbu Səyaf" qruplaşması "Əl-Qaidənin" Filippindəki qolu hesab edilir.
Milli.Az