Fransanın Rube şəhərində girov götürülən şəxslərin azad olunması üzrə əməliyyat zamanı silahlı şəxslərdən biri məhv edilib. APA-nın "Gazeta.ru"ya istinadən verdiyi xəbərə görə, bu barədə şəhər prokuroru Federika Fevra bildirib.
Məlumata görə, naməlum silahlı şəxslər tərəfindən girov götürülən şəxslərin hamısı əməliyyat zamanı azad olunub.
Qeyd edək ki, silahlı şəxslər girov götürməzdən əvvəl banklardan birini qarət ediblər. İnsident yol polisi əməkdaşlarının yoxlamaq məqsədilə cinayətkarları saxladıqdan sonra baş verib.
Milli.Az