Dünya

İŞİD Sibirə sürgün ediləcək?

13 Oktyabr 2015 23:47

7 Şərh Baxış: 2 217

Liviyanın "La Voix de la Libye" nəşri Livanın "Hizbullah" təşkilatındakı mənbəyə istinadən Moskva və Dəməşq arasındakı şok bir razılaşma barədə yazıb.

Milli.Az publika.az-a istinadən xəbər verir ki, Moskva və Dəməşq Səudiyyə Ərəbistanı, Qətər, Küveyt və Birləşmiş Ərəb Əmirliklərinin (BƏƏ) vətəndaşı olan istənilən hərbi əsirin rusiyalılara verilməsi barədə razılaşıb.

İddiaya görə, sözügedən hərbi əsirlərin "AN-124" yük təyyarələri ilə Rusiyaya nəqli nəzərdə tutulur. Məqalənin müəllifi bildirir ki, hərbi əsirlər daha sonra şərqi Sibirdəki böyük Vankor neft-qaz yatağının olduğu əraziyə göndəriləcək. Bu yataqda kəşf edilmiş qaz ehtiyatı 95 milyard kubmetrdən çox, neft ehtiyatı isə 520 milyon tondir. Rusiya burada hasilatı iki dəfə artırmağı planlaşdırır. Yataqdan əldə olunan neft və qazın əsas müştərisi isə Çin olmalıdır. Enerji ehtiyatlarının nəqli üçün isə yeni boru kəmərini tikmək lazımdır.

Məlumata görə, sözügedən regionda işçi qüvvəsinin kəskin çatışmazlığı hiss edilir. Neft-qaz hasilatının istənilən səviyyəyə çatdırılması üçün isə 14 mindən 25 minə qədər işçi tələb olunur. Müəllif yazır ki, Rusiya Suriyada İŞİD terror təşkilatından götürülən əsirləri islah düşərgələrində yerləşdirməklə bu çatışmazlığı müəyyən qədər aradan qaldırmağı planlaşdırır.

"Hizbullah"dakı mənbə zarafat edib ki, indi Mərkəzi Kəşfiyat İdarəsi (MKİ) üsyançılarının hazırlığı proqramını təkrar gözdən keçirməli və təlim düşərgələrini Alyaskaya köçürməlidir. Mənbə bununla da Sibirin soyuq hava şərtlərinə diqqət çəkib.
Milli.Az

Milli.Az - Xəbər Portalı

İŞİD Sibirə sürgün ediləcək?

DİGƏR XƏBƏRLƏR

XƏBƏR LENTİ

TOP VIDEO

SORĞU

Hansı sosial şəbəkədən daha çox istifadə edirsiniz?