Türkiyənin paytaxtı Ankarada terror aktı zamanı həyatını itirən Özvər Gökhan Arpaçay adlı gənc doğulduğu Qars şəhərində torpağa tapşırılıb.
Milli.Az Oxu.Az-a istinadən xəbər verir ki, Türkiyə mətbuatının məlumatına görə, Arpaçayın anası övladına Azərbaycan dilində ağı deyib.
"Ay balam, yandım, balam, lay-lay, balam, lay-lay" deyən Türkan Arpaçay övladını son mənzilə yola salıb.
Dəfn mərasimində 32 yaşlı gəncin anası Türkan Arpaçay və atası Kərim Arpaçay iştirak ediblər.
Günorta namazından sonra Gökhanın cənazəsi Qarsın Yeni Məhəllə qəbristanlığında torpağa tapşırılıb.
Milli.Az