PUL
Fransanın Reyms şəhərindəki parklardan birində əcaib və qorxulu insident baş verib. 21 yaşlı Anjelik Sloss (Angelique Sloss) əynində bikini otluğa uzanıb özünü günə verdiyi üçün vəhşicəsinə döyülüb.
Milli.Az Le Monde-a istinadən bildirir ki, qızı döyənlər 16-24 yaşlı 6 hicablı xanım olub. Onlar bikinili qızın "əxlaqsızlıq etdiyini" deyiblər.
Hadisə Reyms şəhərindəki "Leo Lagrange" parkında baş verib. Döyülən qızın əslən mərakeşli qaçqınların ailəsinin mənsubu olduğu deyilir.
Polisdən verilən məlumata görə, bikinili qızı döyənlər Reymsin müsəlmanların kompakt yaşadığı məhəlləsinin sakinləridir.
Hadisə barədə fransız bloqerlər aktiv şəkildə yazmağa və sosial şəbəkələrdə məlumatları paylaşmağa başlayandan sonra Reyms şəhərinin meri Arno Robin (Arnaud Robinet) olaydan xəbər tutub.
"Məndə olan məlumata görə, bikinili qızı görən hicablı qadınlar ona irad bildiriblər. Qız da qadınlara kobud cavab verəndə dava başlanıb. Təfərrüatlar mənə bəlli deyil. Amma hücum edənlər haqlıdırsa, onda bu, çox ciddi məsələdir", - mer Robin söyləyib.
Fransada isə döyülən qıza dəstək olaraq İnstagram və Twitter-də fləşmob başlanıb. Fləşmob #jeportemonmaillotauparc ("Parkda bikini geyinirəm") heşteqi ilədir.
Fransada 7 milyon müsəlman yaşayır.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
