İran özünün 13 ton qızılını sanksiyaların təsirindən azad etməyi bacarıb. Musavat.com-un İranın "Mehr" agentliyinə istinadən verdiyi xəbərə görə, ölkənin Mərkəzi Bankının və Xarici İşlər Nazirliyinin səyləri hesabına Vyanada "altılıq" ölkələri ilə danışıqlarda İranın Cənubi Afrika ölkələrinin birində dondurulmuş qızılı üzərindən sanksiyaların götürülməsi də müzakirə edilib və Tehran uğura nail ola bilib.
Bu barədə İran Mərkəzi Bankının sədri Vəliyulla Seyf bildirib. Onun sözlərinə görə 13 ton qızıl artıq Mərkəzi Banka təhvil verilib.
Milli.Az