Yunanıstandakı ağır maliyyə-iqtisadi böhran pik həddə çatıb. Bu gün səhər saatlarından etibarən ölkədəki bankların hamısı bağlanıb.
Milli.Az ABC-yə istinadən bildirir ki, banklar həftəsonunadək işləməyəcək. Bu "fasilə"nin daha uzun müddət davam edəcəyi də istisna olunmur.
Səhər saatlarından etibarən bankomatlar da faktiki olaraq işləmir. Yunanıstan vətəndaşları bankomatlardan sutkada maksimum 60 avro çıxara bilərlər.
Məhdudiyyət turistlərə şamil olunmayıb.
Rəsmi Afinanın belə sərt addım atmasının səbəbi vətəndaşların bank hesablarındakı pullarını kütləvi şəkildə çıxarmalarının, panikanın qarşısını almaqdır.
Yunanıstan rəhbərliyi ölkənin xarici borclarının ödənməsi ilə bağlı kreditorların şərtlərini qəbul etməyib. Bu səbəbdən də Avropa Birliyi Yunanıstanın bank sisteminin maliyyələşdirilməsi proqramının vaxtını uzatmaqdan imtina edib.
Milli.Az