Dünya

Yarım milyonluq dələduzluq

29 May 2015 09:21

0 Şərh Baxış: 1 138

#AMERİKA #QALMAQAL #DƏLƏDUZLUQ

ABŞ Senatı aparatının ticarət, elm və nəqliyyat komitəsinin 65 yaşlı sabiq əməkdaşı Robert Li Fosterə qarşı 500 min dollar məbləğində dələduzluq ittihamı irəli sürülüb.

APA-nın "TASS"a istinadən verdiyi xəbərə görə, bu barədə ABŞ Ədliyyə Nazirliyinin açıqlamasında bildirilir.

Məlumata görə, Foster 2008-ci ildən 2015-ci ilin mayınadək cinayət yolu ilə külli məbləğdə pul vəsaitləri və mülkiyyət mənimsəyib. Onun əməllərindən azı üç qadın zərər çəkib.

Robert Li Fosterin qurbanları qarşısında etimad qazanmaq məqsədilə vəzifə səlahiyyətlərindən sui-istifadə etdiyi qeyd olunur. Aldatma yolu ilə o bu şəxsləri pullarını onun adına köçürməyə çağırıb.

Cinayət işi üzrə istintaq Federal Təhqiqatlar Bürosu tərəfindən aparılıb.

Milli.Az