"İraq və Şam İslam Dövləti" (İŞİD) daha bir edam videosu yayıb.
"Hər kəsin əxz etməsi gərəkən dərs" adlanan videoda "ABŞ və NATO-ya casusluqda" suçlanan Əhməd Məhəmməd adlı şəxs başından 3 atəşlə edam olunur.
Milli.Az The Sun-a istinadən bildirir ki, terrorçular Ə.Məhəmmədi Suriyanın Hələb şəhərində, dəmiryol vağzalının arxasındakı parkda gülləyiblər.
3 dəqiqə 40 saniyəlik videoda Ə.Məhəmməd "İŞİD-in əleyhinə, ABŞ və NATO-nun xeyrinə casusluq" etdiyini "boynuna alır", əsasən Türkiyənin cənubunda, Suriya ilə həmsərhəd bölgələrdəki təlimatçılarından aldığı əmrlər əsasında çalışdığını söyləyib.
Ekspertlər bildirirlər ki, Hollivud filmləri səviyyəsində HD videokamera ilə çəkilən, səs və vizual effektlər əlavə edilmiş bu video İŞİD-in maniakal cəlladlığını bir daha nümayiş etdirir.
Milli.Az
Böyütmək üçün şəkillərə klikləyin.