PUL
Nigeriyadakı "Boko Haram" terror qruplaşmasının üzvləri ölkənin şimal-şərqindəki Borno ştatında 14 kəndə hücum ediblər.
Milli.Az Daily Mail-ə istinadən bildirir ki, Kamerunla sərhədin yaxınlığındakı kəndlərə soxulan terrorçular dinc sakinlərə divan tutublar.
Yüzlərlə kəndli canlarını qurtarmaq üçün sərhədi keçərək Kameruna qaçıb.
Ölkənin şimal-şərqində Nigeriya ordusu qonşu Çadın yolladığı hərbi kontingentlə birlikdə "Boko Haram"ın mövqelərinə hücuma keçib.
Anquduram kəndinin sakini, şuva qəbiləsindən olan qaradərili ərəb Adum Valfannea deyib: "Terrorçular əsasən şuvaları hədəfə almışdılar. Çaddan gələnlərin də çoxu elə şuvalardır və bu səbəbdən də "Boko Haram" bizə nifrət edir".
Mudu kəndindən qaçmış Kurso Hala isə söyləyib: "Onlar kəndin mərkəzini mühasirəyə aldılar, sonra aramızda şuvalar və ya kanurilərin olub-olmadığını soruşdular. Sonra da şuvaları qırmağa başladılar".
Milli.Az
Böyütmək üçün şəkillərə klikləyin.
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
