Dünya

Hüsnü Mübarəkin oğulları azadlıqda

27 Yanvar 2015 10:20
0 Şərh     Baxış: 678
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Misirin sabiq prezidenti Hüsnü Mübarəkin iki oğlu həbsdən azad olunub.

APA-nın "Associated Press"ə istinadən xəbərinə görə, Alya Qamal Mübarəklər Qahirənin cənubundakı "Tora" islah müəssisəsindən azadlığa buraxılıb və evə yollanıblar.
 
Qeyd edək ki, Hüsnü Mübarək və oğulları dövlət vəsaitlərinin qanunsuz mənimsənilməsində və korrupsiyada ittiham olunublar. Bu ittihamla sabiq prezident 3, Alya və Qamal isə 4 il müddətinə azadlıqdan məhrum olunublar. Daha sonra onların üzərindən bütün ittihamlar götürülüb və iş üzrə yeni baxış təyin olunub. Eyni zamanda 2011-ci ilin yanvarında başlayan və Misirə 30 il rəhbərlik etmiş Hüsnü Mübarəkin devrilməsi ilə nəticələnən inqilab zamanı nümayişçilərə atəş açılması əmrinin verilməsi ilə bağlı ittihamlar da hər üç şəxsin üzərindən götürülüb.
 
Son məlumatlara görə, 86 yaşlı Hüsnü Mübarək Qahirədəki hərbi hospitalların birində müalicə olunur.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.