Dünya

Ancelina Coli şoka düşüb - FOTO

26 Yanvar 2015 12:18

0 Şərh Baxış: 2 177

#DÜNYADA #FOTOREPORTAJLAR #FOTOSESSİYA

Dünyanın ən populyar aktrisalarından biri, Hollivud ulduzu Ancelina Coli İraqın şimalındakı Dohuk şəhərində suriyalı və iraqlı qaçqınların müvəqqəti məskulaşdıqları düşərgədə olub.

Milli.Az Daily Mail-ə istinadən bildirir ki, BMT-nin Qaçqınlarla İş üzrə Ali Komissarlığının (U.N. High Commissioner for Refugee) xüsusi nümayəndəsi qismində A.Coli 2014-cü ilin sentyabrında Dohuk və Ərbil şəhərlərinin yaxınlıqlarındakı düşərgələrə baş çəkmişdi.

"Əvvəlki səfərimdən bəri burada humanitar vəziyyətin daha da pisləşməsi məni şoka salıb. 2 milyondan artıq iraqlı ötən il zorakılıq və ölümdən qaçaraq ev-eşiyini tərk edib. Situasiya onu da göstərir ki, problemi həll etmək üçün dünya birliyi yetərincə səylər göstərmir", - 39 yaşlı A.Coli söyləyib.

A.Colinin baş çəkdiyi düşərgədə məskunlaşan iraqlıların əksəriyəti İŞİD Mosulu ələ keçirəndən sonra şəhərdən qaçan yezidilərdir.

Milli.Az

Böyütmək üçün şəkillərə klikləyin.