Dünya

Sorosdan şok açıqlamalar

24 Yanvar 2015 16:57
0 Şərh     Baxış: 875
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Amerikalı maliyyəçi rəsmi Moskvaya sərt ittiham ünvanladı

Amerika maliyyəçisi və tanınmış milyarder Corc Soros Davosda rəsmi Moskvanı sərt ittiham edib və Rusiyanı mafiya dövləti adlandırıb. Bu barədə "The Wall Street" jurnalı yazıb.

Anspress-in məlumatına görə, o deyib ki, Rusiya hakimiyyəti güc hesabına ölkənin resurslarından şəxsi zənginləşməsi üçün istifadə edir. İndi hadisələrin gedişatını izləmək və Rusiyanı təcavüzdən imtina etməyə inandırmaq lazımdır.

Amerikalı milyarder bildirib ki, Avropa İttifaqının strateji rəqibi Rusiya tərəfindən Ukraynaya təzyiq göstərilir və beləliklə, güc nümayiş etdirildi. Hadisələrin istiqamətini dəyişdirmək, müstəqilliyi saxlamaq üçün demokratik Ukrayna üçün Qərbin maliyyə köməyinə ehtiyac duyulur.

Onun sözlərinə görə, indi yalnız Ukraynanın gələcəyi deyil, həm də Avropa İttifaqının gələcəyi təhlükə altındadır. Ukraynanın yoxluğu Avropa üçün böyük itki olacaq. Bu, Rusiyanın parçalamaq və hökmranlıq etmək marağını artıracaq.

Mətbuat yazır ki, C.Soros son illərdə Rusiyaya ilk dəfə qarşı çıxmır. O, Davosda prezident Vladimir Putini kəskin tənqid atəşinə tutub: "Vladimir Putin zəiflikdən belə addım atır. Əvvəl o, kifayət qədər məşhur idi, amma Dmitri Medvedev dövlət başçısı olan zaman Rusiya əhalisini ona qarşı yönəlti. Putin təhlükə, təhdid hiss etdikdən sonra ölkə daxilində və xaricində cəzaya və təcavüzkarlığa üstünlük verdi".

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.