Avropa ölkələri erkən qış fəslini yaşayır. Ötən gün Fransanın cənub-şərq regionunda bol miqdarda qar yağıb. Savua rayonunda yağan qar bir neçə saat ərzində rayonu ağ örtüyə bürüyüb. Rayonda temperatur mənfi 1 dərəcəyə qədər düşüb. Yağıntılarla əlaqədar yollarda nəqliyyatın hərəkətində çətinliklər yaranıb.Ötən gün Fransanın cənub-şərq regionunda bol miqdarda qar yağıb
Milli.Az-ın anspress-ə istinadən məlumatına görə, Sloveniyada da oxşar vəziyyət yaşanıb. Maribor şəhərində bəzi bölgələrdə qarın qalınlığı 150 santimetrə çatıb. Vəziyyətlə əlaqədar məktəblər bir neçə günlük tətil ediblər. Paytaxt Lyublyanada isə aramsız yağışlar daşqınlara səbəb olub. Daşqın suları şəhər mərkəzində iş idarələrini və evləri basıb. Xilasedicilər suların əsarətində qalan insanları kiçik qayıqlar vasitəsilə xilas ediblər. Məlumata görə, bəzi bölgələrdə suyun səviyyəsi 3 metrə çatıb. Təbii fəlakətlə əlaqədar bölgələrdə elektrik kəsintiləri qeydə alınıb.
Almaniyanın Bremerxafen liman şəhərin də daşqınlar olub. Bir qədər əvvəl Atlantik okeanında tüğyan edən Qonzalo qasırğası daşqınlara səbəb olub. Avropanın qərb sahillərinə çatan şiddətli küləklər fəsadsız ötüşməyib. Daşqın suları onlarla avtomobili batırıb.
Milli.Az