Trend-in "Novosti-Armeniya"ya istinadən verdiyi məlumata görə, bu barədə Ermənistan parlamentinin Xarici əlaqələr komissiyasının sədri Artak Zakaryan ötən həftə Brüsseldə Avronest PA-nın Büro iclasına yekun vurarkən bildirib.Avronest Parlament Assambleyasının dördüncü plenar iclası 2015-ci il martın 16-20-də Yerevanda keçiriləcək
O qeyd edib ki, Ermənistan parlamenti hələ 2013-cü ildə Avronest Parlament Assambleyasının plenar iclasının bu il Ermənistanda keçirilməsini təklif etmişdi: "Lakin Ermənistanın bu təklifi 2015-ci ilədək təxirə salınmışdı. Çünki Avropa Parlamentinə seçkilərin keçiriləcəyi ehtimal olunurdu. Ermənistan "Şərq Tərəfdaşlığı" proqramının iştirakçısı olan ölkələrin beş üzvünü və Avropa Parlamentinin 60-a yaxın nümayəndə heyətini qəbul edəcək".
Onun sözlərinə görə, ölkədə büronun, iki işçi qrupunun və 4 komissiyanın iclası keçiriləcək.
Avropa Parlamentinin və Aİ-nin "Şərq Tərəfdaşlığı" proqramının iştirakçısı olan ölkələrin parlamentarilərinin təmsil olunduqları Avronest "Şərq Tərəfdaşlığı"nın (Azərbaycan, Ermənistan, Belarus, Gürcüstan, Moldova və Ukrayna) parlamentidir.
Milli.Az