PUL
.png)
.jpg)
İyunun 11-də İraqın Mosul şəhərində İŞİD terrorçularının girov götürdüyü türkiyəli 49 girovdan Emin Ercanın qızı Ela Ecrin Ercanın 1 yaşı tamam oldu.Kiçik qız baş nazir Əhməd Davudoğluna baba deyir
Anspress-in məlumatına görə, Ercan ailəsi qohumları ilə birlikdə kiçik qızın ad gününü şəhərdəki restoranlardan birində qeyd ediblər.
Özü də girovluqda olmuş azyaşlının anası Sümeyye Ercan çox xoşbəxt olduğunu və bunu sözlə ifadə edə bilmədiyini deyib.
"Girov olduğumuz vaxt bir daha buraya qayıda bilməyəcəyimizi fikirləşmişdik. Allaha şükür, buradayıq və qohumlarımızla qızımızın 1 yaşını qeyd edirik".
Ela Ecrinin 2 həftə əvvəl danışmağa başladığını deyən ana qızının televizorda gördüyü zaman baş nazir Əhməd Davudoğluna baba dediyini bildirib.
"Hər şey onun sayəsində oldu. Allah ondan razı olsun".
Xatırladaq ki, iyunun 11-də 49 Türkiyə vətəndaşı İraqın Mosul şəhərində İŞİD terrorçuları tərəfindən girov götürülmüşdü. Türkiyə hökumətinin girovları geri qaytarmaq cəhdi nəhayət sentyabrın 20-də nəticəsini verdi və bundan xəbər tutan Türkiyə baş naziri Əhməd Davudoğlu azad edilən türk diplomatları qarşılamaq üçün Azərbaycandakı rəsmi səfərini yarımçıq qoyaraq Türkiyəyə yollanmışdı.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
