Ötən ay ailə həyatı quran Türkiyənin tanınmış müğənnisi Gülben Ergenlə keçmiş əri Mustafa Ərdoğan arasında gərginlik davam etməkdədir."Uşaqlarımın başqa biri ilə eyni evdə yaşamağını qəbul edə bilmərəm"
Anspress-in məlumatına görə, yeni həyat yoldaşı Erhan Çeliklə xoşbəxt günlər yaşayan Gülben Ergen onunla 8 il evli olmuş keçmiş əri Mustafa Erdoğanın övladları barədə söylədiyi fikrə münasibətini bildirib.
"Milliyet" qəzetinə müsahibə verən tanınmış iş adamı Mustafa Erdoğan övladları ilə bağlı öhdəlikləri yerinə yetirməyə çalışdıqlarını söyləyib.
"Gülben yaxşı ana idi. Əsas olan bundan sonra da yaxşı olmasıdır. Əgər belə olmasa, müdaxilə etməli olacam. Uşaqlarımın başqa biri ilə eyni evdə yaşamağını qəbul edə bilmərəm", - deyə M.Erdoğan vurğulayıb.
G.Ergenin isə buna cavabı gecikməyib. O, sosial şəbəkədə yazdığı sitatda hirsli bir insanın nələrsə danışmağını normal qarşıladığını və bu məsələdə sakitliyini qoruyacağını qeyd edib.
Milli.Az