PUL
.jpg)
.jpg)
İranın Press TV telekanalının amerikalı jurnalisti, Türkiyədə xüsusi reportyor olan Serena Şim Türkiyənin cənubunda avtomobil qəzasında həlak olub.
MilliAz ABC-yə istinadən bildirir ki, S.Şimin ölümü böyük qalmaqal yaradıb. Belə ki, amerikalı reportyor ölümündən iki gün əvvəl Suriyanın Kobani şəhərinin yaxınlığında hazırladığı reportajda böyük qalmaqal yaradacaq açıqlama vermişdi.
"Türkiyənin xüsusi xidmət strukturları mənimlə maraqlanırlar. Daha doğrusu, onlar məni hədələyiblər. Səbəb isə Türkiyədən Suriya ərazisinə keçən humanitar yardım karvanlarındakı avtomobillərin bir çoxunda silah və hərbi texnikanın olmasıdır. Bu silahların "İraq və Şam İslam Dövləti" terror təşkilatı üçün nəzərdə tutulduğu iddia olunur. Türkiyədə həbs ediləcəyimdən qorxuram. Məndən niyə şübhələndiklərini anlamıram. Fəaliyyətim tam şəffafdır", - Serena Şim söyləmişdi.
Press TV-nin saytında yerləşdirilmiş məlumatda deyilir: "Serana Şim icarəyə götürdüyü avtomobillə Urfa vilayətindəki Suruç şəhərindəki otelə qayıdarkən yolda çox müəmmalı qəza baş verib və reportyorumuz həlak olub".
Hürriyet-in məlumatına görə, Serena Şimin maşını yolda betonqarışdıran avtomobillə toqquşub. Avtomobilin sürücüsü həbs olunub.
Milli.Az
Böyütmək üçün şəkillərə klikləyin.
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
