Ötən gün Şimali və Cənubi Koreya arasında qarşılıqlı atışma olub.Ciddi mühafizə olunan sərhəddə qısamüddətli atışma olub
Anspress-in məlumatına görə, Şimali Koreya əsgərləri iki tərəfi ayıran demarkasiya xəttinə yaxınlaşanda Cənubi Koreya əsgərləri onlara doğru xəbərdaredici atəş açıb. Şimali koreyalılar da buna cavab olaraq atəş açıblar və iki tərəf təxminən 10 dəqiqə ərzində bir-birinə güllə atıb.
Xəsarət alanların olmadığı bildirilir. Bu barədə Cənubi Koreyanın rəsmi xəbər agentliyi "Yonhap" məlumat yayıb.
Oktyabrın 10-da da qarşılıqlı atəş açılmış, daha sonra ayın 15-də hər iki tərəfdən hərbi zabitlər gərginliyi azaltmaq üçün sərhəddəki kənddə görüşmüşdülər. Yenidən tərəflərin bir-birinə atəş açmasından görünür ki, heç bir razılığa gələ bilməyiblər.
Milli.Az