PUL
Çinin yarımmuxtar regionu Honkonqda hökumətə qarşı baş qaldıran etirazlar rəsmi Pekini vəziyyətlə əlaqədar tədbirlər görməyə vadar edib. Ölkənin xarici işlər naziri Van İ etirazları dəstəkləyən Amerika Birləşmiş Ştatlarına səfər edib. Nazir paytaxt Vaşqintonda ABŞ dövlət katibi Con Kerri ilə görüşüb.Ölkənin xarici işlər naziri Van İ etirazları dəstəkləyən Amerika Birləşmiş Ştatlarına səfər edib
Milli.Az-ın anspress-ə istinadən məlumatına görə, Con Kerri mətbuat konfransında çıxışı zamanı qeyd edib ki, Honkonq rəhbərliyi demokratik islahatlar tələb edən etirazçılara güc tətbiq etməkdən çəkinməlidir.
Əksəriyyəti tələbələrdən təşkil olunan aksiya arıtq 6 gündür ki, davam edir. Fəallar Honkonq rəhbərinin Çin hökumətinin müdaxiləsi olmadan yerli əhali tərəfindən seçilməsini tələb edirlər.
Çinli xarici işlər naziri Honkonqda keçirilən etirazları qanunsuz adlandırıb.
"Honkonqun problemləri, eyni zamanda, Çinin problemləridir. Bütün ölkələr Çinin suverenliyinə hörmətlər yanaşmalıdırlar", - deyə Van İ qeyd edib.
Etirazçıların nümayişləri isə ötən gün davam edib. 10 minlərlə fəal Honkonq rəhbəri Lyan Çjeninin istefasını tələb ediblər.
Honkonqda keçirilən etiraz aksiyalarına Böyük Britaniyada yaşayan honkonqlulardan da dəstək gəlib. Paytaxt Londonda Çin səfirliyi qarşısında baş tutan aksiyaya 3 mindən çox fəal qatılıb. Fəallar "onlar tək deyillər" şüarları ilə Çin hökumətinə ismarış göndərməyə çalışıblar. Fəallar etiraz aksiyalarının rəmzinə çevrilən çətirlərlə aksiyaya qatılıblar.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
