Dünya

Davudoğlu: "TANAP Cənubi Qafqazı Balkan ölkələri ilə birləşdirəcək"

30 Sentyabr 2014 10:29

0 Şərh Baxış: 619

#TÜRKİYƏ

Regionda ən mühüm enerji layihələrindən biri olan Trans Anadolu qaz kəməri (TANAP) Cənubi Qafqazı Balkan yarımadası ölkələri ilə birləşdirəcək.

Bunu Türkiyənin baş naziri Əhməd Davudoğlu bəyan edib.

Bu barədə Trend çərşənbə axşamı "TRT Haber" telekanalına istinadən xəbər verir.

Onun sözlərinə görə, Azərbaycan və Türkiyə Cənubi Qafqazı Balkan ölkələri ilə birləşdirəcək enerji dəhlizi yaradırlar.

Baş nazir qeyd edib ki, Bakı-Tbilisi-Qars dəmiryol magistralı, Bakı-Tbilisi-Ceyhan da Azərbaycan və Türkiyənin heç də az əhəmiyyətə malik olmayan birgə layihələridir.

Davudoğlunun sözlərinə görə, Azərbaycan və Türkiyə birgə enerji layihələrini reallaşdırmaqda davam edəcəklər.

Milli.Az