Diyarbəkir Sur rayonu icra nümayəndəliyi və AKP-nin rayon rəhbərliyinin yerləşdiyi bina hücuma məruz qalıb.AKP nümayəndəliyi də eyni binada yerləşir
Anspress-in məlumatına görə, ötən gün axşam saatlarında naməlum şəxs və ya şəxslər rayon icra nümayəndəliyinin binasına kustar üsulla hazırlanmış bomba və molotov kokteyllərilə hücum təşkil ediblər. Bombalar binanın girişində, mühafizəçi otağı yaxınlığında partlayıb.
Partlayış nəticəsində, binanın şüşələri qırılıb. Hadisə yerinə çox sayda polis qrupları və zirehli texnikalar yönləndirilib.
Partlayış baş verən binadan 150 metr uzaqlıqda olan polislər həmin an onlara qarşı hücumun olduğunu düşünərək, silahlarını çıxarıb partlayış gələn istiqamətdə atəş açmağa başlayıblar.
Polis hadisə baş verən ərazidəki prospekti bağlayaraq araşdırma aparmağa başlayıb.
Milli.Az